ataab samjho azaab samjho hamara ab to jawab samjho.. 
jo bhi samjho janaab samjho hmara ab to jawab samjho.. 

rukh ki ronaq to kho chuky hain jazbay sab hi to so chukay hain.. 
bas chashm e nam ko seylaab samjho hamara ab to jawab samjho.. 

kahan ki qurbat kahan ki yaari kia ham py bas hy ye dunia saari.? 
dukhon ghamon k azab samjho hamara ab to jawab samjho.. 

nibhaaon kab tak main sath tera k gardishon mein ghira hua hon,, 
sitaaron ka ye hisaab samjho hamara ab to jawab samjho.. 

hijar ka sooraj peyham hy sar py ishq saahab meri TOBA.. 
dhoop ki tab o taab samjho hamara ab to jawab samjho..