Ek Chehra Jo Mere Khuwaab Sajaa Deta Hai 
Mujh Ko Mere Hi Khayalon Mein Sadaa Deta Hai 

Wo Mera Kon Hai Maloom Nahi Hai 
Lekin Jab Bhi Milta Hai Tou Pehlu Mein Jagaa Deta Hai 

Main Jo Ander Sy Kabhi Toot K Bikhroon Tou 
Wohi Mujh Ko Chun Ney K Liye Haath Barhaa Deta Hai 

Main Jo Tanha Kabhi Chupkay Sy Bhi Rona Chahon 
Tou Dil K Darwazay Ki Zanjeer Hilaa Deta Hai 

Uski Qurbat Mein Hai Kya Baat Na Janay Yaro 
Ek Lamhay K Liye Sadiyon Ko Bhula Deta Hai.