Tualuq Rakh Liya Baaqi Yaqeen Ab Torr Aaya Ho0n 
Kisi Ka Saath Dena Tha Kisi Ko Chorr Aaya Ho0n 

Tumharay Saath Jeenay ki Qasam Khanay Se Kuch Pehlay 
Main Kuch Waaday Kai Qasmain Kahin Par torr Aaya Ho0n 

Dosti Kaanch Ka Zindan thi Yun Sang-E-Giran Kab thi 
Jahan tak chorr Sakta Tha Wahin par chorr Aaya Ho0n 

Palat Ker Aa Gaya Lekin Yun Lagta Hai ke Apna Aap 
Jahan wo Mujh Se Bichhray Thay Wahin Par dil Chorr Aaya Ho0n 

Usay Janay Ki Jaldi Thi So Main Aankhon Hi Aankhon Main 
Jahan Tak Chorr Sakta Tha Wahan Tak Chorr Aaya Ho0n.