Bara dushwaar hota hai Zara sa faisla karna

Bara dushwaar hota hai
Zara sa faisla karna
Ke jeevan ki kahani ko
Beyaan-e-bezubani ko
Kahan se yaad rakhna hai
Kahan se bhool jana hai
Kise kitna batana hai
Kis se kitna chupaana hai
Kahan ro ro ke hasna hai
Kahan hans hans ke rona hai
Kahan awaz deni hai
Kahan khamosh rehna hai
Kahan rasta badalna hai
Kahan se laut aana hai
Bara dushwaar hota hai
Zara sa faisla karna..