Zindagii yun bhi teri baat pe marna chahe...

Aapki aankh me kuchh rang sa bharna chahe...
Dil bhi khwaabo'n k jazeero'n se guzarna chahe...

Main lahu ban k tere rang-e-qabaa se uljhu'n...
Tu shafaq ban k mere rukh pe bikharna chahe...

"Jashn-e-Naurozz" ho ya "Shaam-e-Ghareeba'n" ka sakoot...
Dil har ek khauf ki manzil se guzarna chahe...

Rooth jana to numaaish hai sarasar warna...
Zindagii yun bhi teri baat pe marna chahe...

Ye alag baat k aankho'n ne use dekh liya...
Warna wo akss mere dil me utarna chahe...

Meri taqdeer ki soorat,, mere ashko'n ki tarah...
Wo hasee'n shakhs ba-har-haal sanwarna chahe...

Din ki taqdeer ka haasil bhi wohii hai MOHSIN...
Ek sitaara jo sar-e-shaam ubharna chahe....!!