Ranjish Hi Sahi Dil Ko Dukhane Ke Liye Aa

 

Ranjish Hi Sahi Dil Ko Dukhane Ke Liye Aa"

Aa Phir Se Mujhe Chhod Ke Jaane K Liye Aa"

Kuch To Mere Pindar-E-Mohabbat Ka Bharam Rakh"

Tu Bhi To Kabhi Mujhko Manane Ke Liye Aa"

Pahle Se Marasim Na Sahi Phir Bhi Kabhi Tu"

Rasm-O-Rah-E-Duniya Hi Nibhanē Ke Liye Aa"

Kis Kis Ko Batayengy Judai ka sabab ham"

Tu Mujhse Khafa Hai To Zamane Ke Liye Aa"

Ik Umr Se Hon lazzat-E-Girya Se Bhi Mehroom"

Ay Rahat-E-Jan Mujh Ko Rulane Kē Liye Aa"

Ab Tak Dil-E-Khush Fahm Ko Tujh Se Hain Ummiden"

Ye Aakhiri Shamen Bhi Bujhane Ke Liye Aa"