Ghuroor_E_Husn K Sadqe Mohabbat Yun Nahi Karte 
Bhari Mehfil Main Zahir Dil Ki Wehshat Yun Nahi Karte 

Ye Mana Tum Haseen Ho Aur, Tumhain Haq Hai Shararat Ka 
Kisi Ki Jan Pe Ban Jaye, Shararat Yun Nahi Karte 

Jise Tum Husn Kehte Ho, Wo Markaz Hai Nighahon Ka 
Adab Lazim Hai Markaz Ka, Ziyarat Yun Nahi Karte 

Kuch Apne Husn Ki Khairat De Do Hum Faqeeron Ko 
Kisi Saail Ko Apne Dar Se Rukhsat Yun Nahi Karte 

Haya Aur Sharm Ko Hum Husn ka Zaiwar Samajhte Hain 
Ye Zaiwar Lutt K Reh Jaye, Sakhawat Yun Nahi Karte 

Tumhari ik Nazar Par Faisla Hai Zindgani Ka. 
Maseeha Ho K Beemaron Se Ghaflat Yun Nahi Karte .