Chaaragar Aey Dil-E-Betaab Kahan Aatey Hainn. 
Mujh Ko Khush Rehney K Aadaab Kahan Aatey Hain. 

Main To Yak-Musht Usey Sonp Dun Sab Kuch Lekin. 
Ek Muthi Main Merey Khuwab Kahan Aatey Hain. 

Muddaton Bad Usey Dekh K Dil Bhar Aya. 
Warna Sehraaon Main Selaab Kahan Aatey Hain. 

Meri Be-Dard Nigahon Main Agar Bhooley Sey. 
Neend Aaey Bhi To Ab Khuwaab Kahan Aatey Hain. 

Tanha Rehta Hun Main Din Bhar Bhari Duniya Main... 
Din Burey Hon To Phir Ahbaab Kahan Aatey Hain...