Khuahishon K Zehir Main Ikhlaas Ka Rass Ghol Kar 
Wo To Pathar Ho Gaya 2, 4 Din Hans Bol Kar. 

Dil Hujoom-E-Gham Ki Zad Main Tha Sambhalta Kab Tak 
1 Parinda Aandhion Main Reh Gaya Par Tol Kar. 

Apne Honton Par Saja Le Qeemti Heeron Se Lafz 
Apni Soorat Ki Tarah Baten Bhi To Anmol Kar. 

Aaj Us Ki Had-E-Bakhshish Hai Tere Sar Se Buland 
Aaj Apne Sar Se Bhi Ooncha Zara Kashkol Kar. 

Band Hathon Ka Muqaddar Theen Sabhi Kirne Magar 
Saare Jugnu Urh Gaye, Dekha Jo Muthi Khol Kar. 

Shehir Wale Jhot Par Rakhte Hain Buniad-E-Khuloos 
Mujh Ko Pachtana Para MOHSIN Yahan Sach Bol Kar.